منه فضالي فى حوار ساخن لبوابة العرب” لأقيت الوفاء فى الكلاب أكثر من بني أدمين “علاقتي بربنا خاصة بي أنا وربنا ‏فقط هو اللي يحاسبني”

حوار احمد الاشعل
فى حوار هو أشبه ما يكون السير على الأشواك والدخول إلى عش الدبابير بين القيل والقال والحديث من القلب إلى عشاق وقراء بوابة العرب الإخبارية أكدت الفنانه منه فضالي والتى دائما ما تكون أرأئها مثاراً للجدل والشغف وهي شخصية مليئة بالفرح والتواضع تحاوطها بعض الإشاعات اينما وجدت استطاعت ان تثبت أقدامها على طريق الفن باسلوب متميز جدا ومختلف أكدت منه فضالي فى حوارها مع بوابة العرب أنها لم لم يعد لديها ثقه فى الكثيرين بسبب كثرة الطعنات التي تعرضت إليها وأشارت فضالي أنه لو عاد بها الزمن لما دخلت مجال التمثيل أنها فى المجال مقيدة ومراقبه طول والوقت وتدفع الكثير من حريتها بسبب عملها بالفن
إلى نص الحوار

‏كيف دخلتي مجال التمثيل ؟
‏والله كانت صدفه أنا كنت في رحلة عاديلمدينة الإنتاج ل وأنا كنت طول الوقت بقدم حفلات المدرسة فلما لقينا ناس ‏بيصور ماما راحت قالت لهم بنتي عايزه تمثل ‏من هنا جات فكره أني ‏أمثل ‏بس ما كنتش مبسوطة في الأول.

‏أول عمل كان مع الاستاذ مجدي أبو عميره؟
كان في مسلسل قبله ‏اسمه حمزة وبنات والخمسة ‏كان مع الاستاذ هاني إسماعيل ما كنتش مبسوطة وبعدها اشتغلت مع الاستاذ مجدي‏ما كنتش مبسوطة حسيت إني بدأت تمثيل على طول ما كنتش رسمه الموضوع كدا ‏كنت حبة ابتدي إعلانات الأول و ‏فعلا احترفت وبقيت ‏توب موديل وجه فتره كنت أغلي موديل ‏اشتغلت وقتها مع الاستاذ طارق نور بعدها بدأت أكمل في التمثييل.

‏احساسك أي أول مره وانتي واقفه قدام الكاميرا؟
‏لا ده كان إحساس صعب جدا ‏أنا أول مشهد ‏ليا كان امام الاستاذ يوسف شعبان ‏لقيت نفسي متنحة وابص له واسكت ‏وعياط ‏كان يوم ملوش أي لأزمة بس بصراحة هيبة الكاميرا صعبة جدا.

‏ايه اكتر محطة دفعتك ‏لاكتساب ثقه اكتر ؟
‏لا كتير حقيقة ‏بس أنا عملت اعمال مع مدام سميرة أحمد ‏و‏الأستاذة رباب الهلالي وعفاريت السياله ‏والملك فاروق عندي محطات كتير في حياتي حلوة.

‏ليه دايما شخصية منه فضالي مثيرة للجدل؟
‏علشان أنا بس مش بجامل ‏أنا من الشخصيات بتلاقيني صريحة زيادة عن اللزوم مش موضوع إني مش بخاف من حاجة انا ‏متعودة طول عمري إني اتكلم بوضوح طبيعتي من وأنا صغيرة حتى وأنا في المدرسة كنت دائما أرد واتكلم مدام أنا صاحب الحق ممكن ده يحطني شوية في مشاكل.

‏يعني ‏انت حرةوملكش دعوة بكلام الناس؟
‏صعب جدا إنك ترضي جميع الاطراف‏انت النهارده ممكن تكون بتاكل كنافة بتحبها بس في غيرك مش ‏بيحبها‏فأنت مش ‏هتجبر حدياكل كنافة‏مش شرطالناس كلها تحبني‏مش شرط كل الناس تحترمني مش شرط إني أحب كل الناس بس مثلا أنا ممكن اكون مش بحب ناس كتير ‏بس عمري ما جرحت فيهم ولا ‏اهين حد‏أنا بحب دائما اللي قدامي يعاملني زي ما بعمله ‏بس دي صعبة جدا دلوقتي معادله صعبه إنك تلاقي ناس بتفهم الرسالة دى لأن اسهل حاجة دلوقتي الغلط بيشوفوا إنك تخرج الجواك بالغلط ‏ده بيقلل منك‏دايما بشوف إن اللي يغلط في بني آدم‏ده يقلل من هو شخصيا ده يمثلك انت دي تربيتك.

ممكن تتكلميني عن إحساسك وانتي واقفه قدام الكعبة ؟
‏أنا بقي لي سنتين‏معملتش عمره عملتها مرتين بس في حياتي كان المفروض إني أطلع السنة اللي فاتت بسبب ظروف ان والدتي تعبانة جدا وكان ‏ماما لازم تطلع معايا العمرة وصعب جدا مستنية أخذها معايا.

الوقفة قدام الكعبة حاجة خاصه بيا أنا مش‏للناس‏فأنا لو نزلت صورة قدام الكعبة مش حاجة غلط ده اطهر مكان في الدنيا.

دي حاجة بيني وبين ربنا بكون رايحة محاضرة حاجات كثيره والله بنسى كل ‏حاجة وبعيط ‏مرة ‏حسبنت على ناس‏دي كانت من قلبي فعلا علشان ظلموني ربنا ‏جاب لي حقي لأني فعلن اتظلمت ‏كان نفسي أطلع وحأطلع وهنزل صورتي في الكعبة وأنا ‏علاقتي بربنا خاصة بي أنا وربنا ‏فقط هو اللي يحاسبني عليها لكن انت حسبني على شغلي مش عجبك شغل انتقدني ‏ممكن تكون أخلاقك وحشة بس بتصلي ‏حد هيقول لك انت بتصلي ليه احنا مالنا.

احساسك الداخلي امام الكعبه كان اي؟
‏‏كنت بعيط والكعبة ‏رحتهاحلوة‏ولما لمست الحجر الأسود كنت مبسوطة ودعيت لي بحاجه وربنا‏أكرمني بها أول
أول كلمة قلتها قدام الكعبة الله اكبر.

ما مدى صحة تصريحك إن المايوه أفضلمن الحجاب؟
‏لا أنا ما قلتش كده الكلام‏ ملهوش دعوة بالحجاب خالص أنا قلت في ناس كتير انا ممكن اكون بلبس مايوه علي البحر ‏بس أنا حد واضح مش باذي حد‏ ممكن تكون منقبة مؤذية او تكون اخلاقها مش محترمه في ناس كتير
‏بتستخدم الحجاب في أعمال غلط الراجل لبس نقاب مثلاالاحترم مش بالحجاب اللبس ملوش دعوة.

‏ايه أول قصة حب في حياتك؟
‏مش هفتكر أنا حبيت كتير اوي وأنا صغيرة أول مره حبيت بجد يمكن آخر مره دا كان الحب الحقيقي قبل كده كان حب عيال.

أي أهم حاجه في العلاقة بين أي اتنين؟
‏ اهم من الحب الاحترام أنا دايما بلاقي عدم توافق بين الاحترام والثقة بالنفس أنا الحمد لله بثق بنفسي جدا وده مش غروربس بشوف نفسي كويس الحمد لله مبسوطة باللي أنا وصلت له بعد كل التعب ممكن اكون تأخرت بس أنا اشتغلت على نفسي وأنا اللى عملت نفسي‏محدش ساعدني‏الاحترام مهم بين أي اثنين حتى لو في انفصال لكن لو الموضوع لو أخد شكل تاني بحس انه كان غلط من البداية، ‏كمان الثقة مهمة أنا علشان مريت بحاجات كتير مش حلوة مبقاش عندي ثقة في بني أدمين‏لا اثق في أي حد‏مش أي حد يقول أي حاجة اصدقها أنا ضد الحاجات دي.

‏ما سبب تربيتك للكلاب عندك؟
‏أنا الكلب بالنسبة لي أحسن من أي بني آدم مش علشان حاجة الكلب ده بيحبك انت مش عايز منك أي حاجة لا بتكلم عليك ولا بيغلط ‏بالعكس انت لو تعبان بيزعل عليك وبيقطع الأكل.

هل شوفتي الوفاء في الكلاب اكتر من بني آدمين ؟
‏طبعا طبعا أنا ملقتش وفاء من بني أدمين أنا كل اللي حواليا غدارين وبتعامل معاهم ملقتش حد يحبني انا كمنه ‏كلهم وقت الشغلانه بتاعتنا كده مسألة وقت “منافق “أنا ما بعرفش أنافق ‏وعمري ما أعرف انافق ‏الحمد لله أنا متصالحه جدا مع نفسي مش مضطره ‏أطاطي راسي أو اعمل حاجة غلط علشان ارضي الجميع

ليه شايفة الناس كدا ؟
‏أنا صديقة عمري ضربتني في ظهري ‏وهي اكبر مني والمفروض تكون قد الثقة الانا أعطتها لها ‏تكون قد العيش والملح اللي احنا أكلنا في بيوت بعض ده كان موضوع كبير جدا بالنسبه ليا فأنا كل ما اثق في شخص بأخذ السيف في ظهري و ده سبب عدم ثقتي ف حد

‏ما مواصفات شريك عمرك ؟
‏لا مفيش مواصفات مش بحب الرجال الملونة أبو شعر أخضر وأصفر عايزة الراجل راجل‏اهم حاجة يكون بيحب ماما يحبني يكون داعم لي يكون شايفني ناجحة مش عايز مني أي حاجة غير إني اكون كويسة ويحب منه

‏ممكن تعتزل التمثيل بسبب حياتك الزوجية؟
‏لو لقيت إني فاشلة في البيت مش عارفة اوفق بين الاثنين ساعتها اختار البيت لأني بحب الاطفال جدا نفسي اخلف فاختار البيبي والبيت طبعا

‏أي شاب او بنت عايز تمثل تقولي لها أي؟
‏أوعوا تخشوا مش هيفدكم كتير ‏لو رجع بيا الزمن مكنتش دخلت التمثيل والله العظيمأنا كنت مضيفه طيران ‏معرفش اللي دخلنا التمثيل بس هو النصيبالشغل بالدراسه أفيد

‏حياتنا طول الوقت مراقبه أنا بدفع ثمن التمثيل غالي ‏مش واخدة حريتي ‏بالنسبه ليا حيات ‏الفنان صعبة جدا.

‏هل فعلا أي حد عاوز يخش مجال التمثيل لازم يقدم تنازلات؟
‏لا ، ده أنا تعبت علشان اوصل اشتغلت إعلانات وبرامج وأخذت ادور صغيرة اليطلع مرة واحدة ده موضوع تاني لكن لا اليتعب زي حلاتي و لسا ما وصلش أعرف انه في أمل في ناس بتاخد وقت بس بتنجح .

‏ايه آخر موقف كم بينك وبين طلعت زكريا؟
‏احنا كنا بن صور فيلم الموقف كان تعبان ولما شافني قالي يا منه أخيرا اشتغلنا مع بعض فاكره لما كنت عايزك معايا في الفيلم وانتي قلتي لي مش فاضية ‏قلت له ما تزعلش مني أنا وقتها كان عندي شغل فعلا ‏الله يرحمه هو كان صديق وأنا كنت كنت بحبه بجد ‏هو كان فاكهة لاي عمل هو فيه .

‏لو طلبت منك رسالة ‏تحب تقولها لمين وتقولوا ايه ؟
‏أحب أقولها لجمهوري ‏والناس اللي دائما واقفين في ظهري وبنجح بيهم مش عاوز حد يكون زعلان مني أسلوبي ممكن يكون صعب ‏بس أنا مش بعرف أجامل الكلام أنا بحب أقول تلقائي ممكن ده يكون بيزعل ناس مش عايزة حد يكون زعلان أنا حد طيب جدا ومش بأذي أنا اكتر حد بيتأذي ‏إن شاء الله أحاول اقدم اعمال ‏تفيدكم.

Scroll to Top
انتقل إلى أعلى