حوار احمد سعد

ممثلة شابة متألقة بحبها وعشقها للفن ،سورية جزائرية بدأت مسيرتها الفنية في طفولتها بالإعلانات ،كانت شهرتها مع المخرج ياسر سامي في أغنية محمود العسيلي “تررم ” شاركت في عدة أعمال درامية منها مسلسل لحظات حرجة “و”العتبة الحمرا”

وقدمت دور بطولة مع الفنانة جومانة مراد والفنان نضال الشافعي ” في مسلسل شاهد إثبات …غابت لفترة ثم ظهرت مع الفنانة نيللي كريم في مسلسل “سقوط حر ” نهال نور ضيفة سحر الحياة

واليوم نجحت نور في خطف الأنظار لظهورها المميز في مسلسل النهاية للفنان يوسف الشريف والتي تجسد فيها شخصية ريناد وهي فتاة في أحد الملاجئ

1. أول ظهور ليكي في ڤيديو كليب تررم مين رشحك للتصوير؟
   مكاتب الكاستينج هي اللي رشحتني للمخرج ياسر سامي و هو اللي أختارني من بين بنات كتير.
2. ايه اكتر موقف فاكراه من وقت تصوير الكليب؟
   ‏لما خلصنا تصوير خالص أنكل ياسر كان عايزني أقول فركش في الميكروفون و انا كنت مكسوفة اقولها فا بدالها قلت فُركُش.
3. مين رشحك للدخول في مجال التمثيل بعد كليب تررم؟
   ‏المخرجة مريم أبو عوف في مسلسل لحظات حرجة.
4. مين من النجوم اللي نفسك تمثلي معاه تاني؟
   ‏كل الممثلين اللي اشتغلت معاهم بحبهم و نفسي أشتغل معاهم تاني.

5. احكلينا عن دورك في مسلسل النهاية؟
   ‏ريناد هي بنت يتيمة هربت من قوات الأمن هي و أخواتها و بتحاول تصرف عليهم و تأكلهم فبضطر تشتغل مع عصابة عشان تعمل ده.
6. هل كنتي تتوقعي نجاح الدور و انه يعلق مع الناس؟
   ‏أنا كنت متوقعة إن شخصية ريناد و قوتها و خوفها على أخواتها هتعجب الناس زي ما الناس بتعجب بأي شخصية بس الناس حبيتها أكتر مما تخيلت و علقت معاهم و ده فحد ذاته اعتبرته نجاح كبير.
7. ايه الخطط اللي هتعمليها بعد مسلسل النهاية؟
   لسة معنديش فكرة.
8. -هل هتدرسي الفنون المسرحية و تكملي مجال التمثيل؟
   ‏ايوة أنا بإذن الله أول ما امتحن السنة دي و اخلص ثانوية هقدم في معهد الفنون المسرحية و اكمل في مجال التمثيل كمهنة .
9. مين النجم اللي نفسك تمثلي معاه و مين مثلك الأعلى بالتمثيل؟
   نفسي امثل مع محمد إمام و كريم عبدالعزيز و أحمد عز و روجينا و أحمد حلمي و كريم فهمي، أنا بصراحة بحب ممثلين كتير أوي عشان من صغري بحب اتفرج على أفلام فانا نفسي امثل مع كتير اوي، مثلي الأعلى في التمثيل شيريهان و سعاد حسني.