جوكر رمضان “الفنان محمد دياب “في حوار خاص لبوابة العرب الاخبارية ساحرة الجنوب كان بدايتي … التمثيل لا يغني عن الغناء

حوار احمد سعد

بدأ مشواره الفني بالغناء، وأطلق ألبومه المستقل الأول في 2010، واشتهر بأغنية “العو” فأصبح اسم دياب يتردد بين الكثيرين، ولكن تفاجئ الجميع من موهبته في التمثيل من خلال مسلسل “ساحرة الجنوب”، فكانت تذكرة دخوله المجال الفني، وتوالى عليه الأعمال الفنية التي يجسد فيها شخصيات مختلفة، منها الصعيدية والمُركبة، وبرزت موهبته في تجسيد أدوار الشر، وطل علينا في هذا الموسم الرمضاني من خلال أربعة مسلسلات لكل منها طابعها الخاص، “دياب” الذى جاء من الغناء صاروخا منطلقاً إلى التمثيل بقوة يحمل رؤوساً نووية من أشكال الأداء المختلفة ليحقق أصعب معادلة ويصبح الـ “كارت الكسبان” فى كل الأعمال التى شارك فيها منذ ظهوره الأول فى مسلسل “ساحرة الجنوب” ليحقق نجاحاً يفوق توقعاته هو شخصياً ولكنه أكسبه ثقة وأعطى لهذا الـ “كارت” ثقل ليحصد النجاحات متتالية فى كل مشاركاته حتى وصل لمرحلة التماس مع البطولة وصنع لنفسه بأدائه منطقة بطولة خاصة يلعب فيها كما يشاء يصول ويجول بكل ثقله ومهاراته ليبقى حدثاً بارزاً فى كل عمل يحمل اسم “دياب”.
وكان لبوابة العرب الاخبارية هذا الحوار مع جوكر رمضان الفنان محمد دياب

  • دياب ممكن تكلمنا في البداية عن تجربتك الأولى في التمثيل؟

بدايتي كانت في مسلسل ساحرة الجنوب، وكانت بترشيح من المخرج د/أكرم فريد للدور، وعملنا جلسات عمل لحد بداية أول يوم تصوير ولله الحمد نجحت و بعتبرها بداية الخير.

  • هل التمثيل ممكن يبعدك عن الغناء؟
    إطلاقاً التمثيل ليه وقته، والغناء ليه وقته، والحمد لله بقدر أنظم وقتي مابين الاتنين لكن في الفترة الحالية التمثيل ليه النصيب الأكبر.
  • هل توقعت نجاح شخصية مدحت في مسلسل فرصة تانية؟

عمري ما توقعت نجاح أي شخصيه أنا بجسدها، أنا بعمل شغلي على أكمل وجه على أد ما أقدر، و بحاول اثعمل أحسن حاجه، والتوفيق ده بتاع ربنا سبحان وتعالى، والجمهور بشكل عام مينفعش معاه أن حد يقول إن هعمل شخصيه معينه وهتنجح أنت ممكن تعمل أقصى جهدك في تجسيد دور معين و ممكن تنجح و ممكن لأ.

هل دياب بيعتبر السنة دي مميزه بالنسباله؟

ردود افعال الناس فاجأتني جداً جداً، وكانت أكبر من ما اتخيل الحمد لله رب العالمين، وبقيت بلاقي ردود أفعال بتجيلي من كل الوطن العربي، بتسعدني جداً، و يارب الواحد يقدر دايمًا يسعد الناس.

  • هل بتقيس نجاحك عن طريق ردود أفعال الشارع ولا السوشيال ميديا؟

الاتنين بتابع منهم ردود الأفعال ومتابع بشكل جيد على مواقع التواصل الاجتماعي.

  • مسلسل الاختيار هيكون نقله لمشوار دياب الفني؟
  • مقدرش احكم نقله أو لا مش أنا اللي بحكمها اللي بيحكمها معطيات السوق أنا بعمل دوري على أكمل وجه علشان ربنا يكرمني وأنجح والحمد لله رب العالمين السنة دي الواحد نجح نجاح يعني واضح للقاصي و الداني محدش يقدر ينكره لكن الخطوات اللي جاية إيه أو النقلة إيه الله أعلم.
  • كلمنا عن مشاركتك مع أمير كرارة في الاختيار؟

أمير أكتر فنان بحبه و بحب اشتغل معاه.

  • تحب تقول إيه لأبطال مسلسل الاختيار؟

شرف كبير لأي حد شارك في مسلسل الاختيار من أكبر فنان لاصغر عامل في البوفيه.

  • نيجي بقي لدورك ف مسلسل البرنس وظهورك فيه بشخصية كوت كوت احكيلنا عنه خصوصاً إنه اتعمل عليه كوميك على مواقع التواصل الاجتماعي؟

النهارده اتفاجئت بڤيديو على أحد القنوات الإخبارية عن شخصية كوت كوت مع إن أنا مش بطل من أبطال المسلسل، أنا راجل رايح أعمل ٣ مشاهد، وأجامل زمايلي، لكن الحمد لله إنه يعمل الضجة و النجاح ده، دي منحة من ربنا سبحان و تعالى.

  • هل وصلك تعليق فريق مانشستر سيتي على ظهورك بتيشيرت الفريق في مسلسل البرنس؟
    طبعاً وصل لي التعليق و رديت عليهم على تعليقهم على تويتر بالاضافه لقناة BBC بالعربي كانوا عارضين ڤيديو للتعليق على شخصية كوت كوت و رضوان البرنس.
  • هل هنسمع دياب في عمل غنائي قريب؟

انا بسمع كذا حاجه بس لسه مستقرتش على حاجه معينه لإن لازم أختار حاجه تكون هتعجب الناس مش مجرد إني اغني وخلاص

Scroll to Top
انتقل إلى أعلى